သူတို့ရဲ့အမူအကျင့်များ

Libra ရာသီဖွားတိုကတော့ သူတို့ရဲ့ sign လေးအတိုင်း ချိန်ခွင်ကြီးတွေ ဖြစ်ကြပါတယ်။ အရာရာကို ကိုက်ညီမျှတမှုရှိအောင်လုပ်ဆောင်တဲ့သူ၊ စာနာစိတ်ရှိပြီး သူများအတွက်တွေးတောတတ်တဲ့သူတွေ၊ ဘက်ပေါင်းစုံ ရှုထောင့်ပေါင်းစုံကနေ ကြည့်ပေးတတ်တဲ့သူတွေပါ။ Libra လေးတွေက နားထောင်ပေးတတ်တဲ့ နားတစုံ ဖြစ်သလို သူငယ်ချင်းတွေထဲမှာ Libra တစ်ယောက်ရှိရင် သူက လူတိုင်းရဲ့ အတိုင်ပင်ခံလေး ဖြစ်နေတတ်ပါတယ်။

အပျင်းလည်း နည်းနည်းထူကြပေမယ့် ဖြတ်ထိုးဥာဏ်လည်းကောင်းကြပါတယ်။ Emotional support လည်း ပေးနိုင်ကြပါတယ်။ အလှအပ ကြိုက်ကြသလို သန့်ရှင်းသပ်ရပ်တာကိုလည်း သဘောကျကြပါတယ်။ လမ်းထိပ်ထွက်ရင်တောင် fashionable ဖြစ်အောင် ပြင်ဆင်ပြီးမှ အပြင်ထွက်ကြတဲ့လူတွေပါ။ လုပ်ငန်းခွင်မှာလည်း ဖော်ရွေမှုရှိကာ ပူးပေါင်းဆောင်ရွက်မှု အားကောင်းပြီး ဖန်တီးနိုင်မှုစွမ်းအားလည်း ရှိကြပါတယ်။ လူမှုဆက်ဆံရေး social skills လည်းကောင်းကြပြီး မျက်နှာမြင်ချစ်ခင်ကြရလောက်အောင်လည်းအပေါင်းအသင်းဆံ့ကြပါတယ်။

Venus ဂြိုဟ် ရဲ့ စိုးမိုးမှုခံရတဲ့ Libra တို့က ချစ်တတ်တဲ့ နှလုံးသားပိုင်ရှင်များဖြစ်ကြသလို အချစ်များကြပါတယ်။ လူတိုင်းနဲ့ အဆင်ပြေဖို့အတွက် အရာရာ လိုက်လျောပေးတတ်ပြီး လူတိုင်းအပေါ်လည်း မေတ္တာထားတတ်ကြပါတယ်။ ပြဿနာအရှုပ်တွေဆိုရင် ဝင်မပါဘဲ ဘေးရှောင်နေတတ်ပြီး အေးအေးလူလူ ငြိမ်းချမ်းရေးသမားတွေ ဖြစ်ပါတယ်။ စိတ်ရှုပ်ခေါင်းရှုပ်မခံနိုင်ကြတဲ့ လူတွေပါ။

Libra တို့ရဲ့ ထိပ်ဆုံးက အားနည်းချက်ကတော့ ဆုံးဖြတ်ချက် မပြတ်သားတာပါပဲ။ သူတို့စိတ်ထဲမှာက ဟိုဟာလည်း မှန် ဒီဟာလည်းမှန်နဲ့ တခုခုဆို မပြတ်သားတတ်ကြပါဘူး။ ဒီလို မပြတ်သားခြင်းကပဲ သူတို့ကို အတွေးများစေပြီး စိတ်ကူးနဲ့ လက်တွေ့ ကွာဟစေတတ်ကြပါတယ်။ သူတို့ရဲ့ မပြတ်သားမှုကြောင့်လည်း တစ်ခုခုဆို သူများအပေါ်မှီခိုတာလေးတွေလည်း များတတ်ကြပါတယ်။ Libra တွေကို လွှမ်းမိုးရတာကလည်း လွယ်ကူပါတယ်။ သူတို့က အလွယ်လမ်းလည်း ကြိုက်ကြပါတယ်။ စိတ်ကူးယဉ်ဆန်တတ်ကြပြီး လက်တွေ့ထက် dreamer သမားလေးတွေ ပိုများပါတယ်။

Libra တွေက တရားမျှတမှုရှိကြပေမယ့် တစ်ခါတစ်ရံမှာ ချိန်ခွင်လျှာစောင်းပြီး သူတို့အလေးပေးချင်တဲ့သူကိုလည်း အလေးပေးတာမျိုးလုပ်တတ်ကြပါတယ်။ လူတိုင်းအကြိုက်ကိုလိုက်နေပေးတဲ့နည်းနဲ့ လူတွေကို လွှမ်းမိုးချယ်လှယ်ချင်ကြသလို လိုချင်တာရအောင် Manipulate လုပ်တတ်ကြပါတယ်။ ပြီးတော့ dramatic ပန်းနုသွေးလေးတွေပါ။ သူတို့ကအမြဲ ခံရသူ ဖြစ်ပြီး တဖက်လူကတော့ သူတိုပုံပြင်ထဲမှာ ပြုလုပ်သူပဲ ဖြစ်နေတတ်အောင် ပန်းနုသွေးတတ်ကြပါတယ်။ သူတို့ကို ဦးစားပေးတာကို သဘောကျတတ်ပြီး ဂရုစိုက်မှု ခံချင်ကြပါတယ်။ လိုအပ်တဲ့ အရာတွေကိုသာ အာရုံစူးစိုက်ပြီး မလိုအပ်တဲ့အရာတွေ၊ လူတွေကို မျက်ကွယ်ပြုနေတတ်ပါတယ်။ materialism လေးတွေလည်း ဖြစ်ပါတယ်။